கவிஞர் எழுத்தாளர் ரி.தயாநிதியின் தடை ஓட்டங்கள்..!

இல்லாத காலத்திலும்
இருப்பதைக் கொண்டு
இனிப்புற வாழ்ந்தவர்கள்.
இதனை இதய இடுக்கில்
இருத்தி தினம் நிமிர்வோம்..!

தடைகளை உடைக்க
தடை ஓட்டமும்
தமிழுக்கு தனித்துவம்.
புரியாமல் ஓடினாலும்
புகட்டிய பாடம் கோடி.!

முடியாது என்று
முற்றுப் புள்ளிகள்
இட்டவர் விடியாமல்
இருக்கின்றார் இருளில்.!

பல தடைவைகள்
விழுந்து எழுந்துஓடி
எல்லைக் கயிற்றை
எட்டித் தொட்ட
அந்தக் காலங்கள்
கற்றுத் தந்த பாடங்கள்
வாழ்க்கையின் படிகள்..

தமிழரின் பாரம்பரிய
விளையாட்டுக்களில்
கிளித்ததட்டும்.! கபடியும்.!
காலத்தின் கண்ணாடி.
தடைகளை உடைப்பதும்
விடைகளை தொடுவதும்
வெற்றியின் உச்சங்கள்..!

பார்வைக்கு வேடிக்கை
வீர தீர விளையாட்டில்
சிந்திய விஜர்வைக்கும்
குருதிக்கும் வெற்றி
ஒன்று தான் காணிக்கை..!

ஆக்கம் கவிஞர் எழுத்தாளர் ரி.தயாநிதி