கவித்தென்றல் ஏரூர் எழுதிய சீதனம் பெண்ணின் மூலதனம்

 அம்மி மிதிச்சு
அருந்ததி பார்த்து அழகா முடிப்போம் திருமணம்
இல்லறம் தொடங்க
இம்மியளவும் குறையாமல் கொடுப்போம் சீதனம்

கல்லானாலும் கணவன்
புல்லானாலும் புருஷன் உண்மை வாக்கியம்
சொல்லால் அடங்கா
சுகங்கள் பெற்றால் பெண்கள் பெரும் பாக்கியம்

பெண்ணை சீரழிக்க
பெற்றவர்கள் கொடுப்பதில்லை சீதனம்
தன்னை வாழ வைக்க
தங்கம், ரொக்கமுடன் கொடுப்பார் சொகுசு வாகனம்

கணவன் கேட்ட நகைகள்
கழுத்தில் ஆடி பலர்முன் அழகா ஜொலிக்கும்
அதிகம் கேட்டதாக
அயலவர்கள் கடும் சொல் கணவனை பழிக்கும்

கேட்டதெல்லாம் தனக்கல்ல
கெட்ட பெயரை மட்டும் அவனில் ஒற்றிக்கொள்ளும்
வரதட்சணை வாங்கி
வாழ்கிற கபோதியென்று ஊரே கரிச்சிக் கொட்டும்

தன் உழைப்பால்
தாலி கட்டி பெண் ஆசைகளை தீர்க்க முடியாது
அளவுக்கு அதிகமாக
ஆசைப்பட்ட பெண்ணை வைத்து உலகில் வாழ இயலாது

கைக்கூலி வாங்கி
கரைப்பான் தண்ணி போல அவள் காசி என்ற நினைப்பாலே
கடனாளி இல்லாமல்
கவலைகள் மறந்து நிம்மதியாக இருப்பான் அவள் கூட

சீதனம் கொடுத்து
சிறப்புடன் வாழுது பிள்ளை பெற்று தம்பதி
சீ என சொல்லி
சினத்தில் அலைகிறது வாழ்வினை வெறுத்த சில புத்தி

ஆக்கம்

கவித்தென்றல் ஏரூர்